اقل مايدل على الوفاء

عميد الحلوين السبت مارس 20, 2010 12:34 am

وصّيتْ قلبي عليك وفكري وظنِّي ... ان غبت عنهم عليك عتابهم هادي
ما ودِّي تجرح شعورك كلمةٍ منِّي ... وانته حياتي وعمري وومهجةْ فوادي
ودي تعيش العمر راضي ومتهنِّي ... مرفوع راسك عليك العز متبادي
يا تاج راسي وانته منِّي وعنِّي ... تامر وتنهي وامرك أول البادي
.............................
يا شوق روحي وقلبي وقطعة مني ... عتابك ألطف من النسمه على فؤادي
ما يجرح القلب إلا غيبتك عني....والا عتابك يشابه طبعك الهادي
أنا أهتني يوم أشوفك إنت متهني ... وأشوف نور الهنا في طلتك بادي
ما يختلف فيك ضني يا حسن ضني ... دايم وفي معي يا وردة بلادي
...............................
من كثر حبِّي عليك الخوف يمحنّي ... وافقد شعوري واشوفك غاية مرادي
ان غاب صوتك أناجي الليل واونِّي ... واتخيِّلك واتذكّر هامةْ بلادي
مديون لك بالغلا والحب مشجنِّي ... يا مستحل الفواد العاشق الغادي
من يشبهك في البشر يا ذوقي وفنِّي ... يا راحتي وبسمتي وموتي وميلادي
................................
لا تخاف مني ومن قلبي إذا ون ... أكيد مشتاق لك يا غاية مرادي
ما يتعب القلب غير الشوق لكني ... أصبرة بالقصيد وصوتك الشادي
أنا أحبك وأحبك من صغر سني ... ما أبالغ إن قلت من يوم ميلادي
أكبر ويكبر غلاك لي مجنني ... غصب عن عيون حسادك وحسادي
.....................................
وصّيتْ قلبي عليك وقال متجني ... احذر غيابك على قلبي مَهُبْ عادي
وصّيتْ قلبي عليك وفكري وظنِّي ... ان غبت عنهم عليك عتابهم هادي
.....................................
لا توصي القلب لي بالشوق متعني ...ما دمت أحبك عتابه ما هوب عادي
عتاب قلبك على حبك يطمني ... خله يعاتب أنا سلمته فؤادي